| whatever啦
發我脾四又好，黑我面又好
鐘意點咪點law
我都唔理得咁多
不過我又何嘗唔躁呢
"ngai"完契弟俾人黑完面
交出黎既野都唔係好得~
|
| |
| 泰國真係一個好得意既地方
好多野都諗唔明
例如點解係唔知幾多點(可能係中午12點)至下晝5點
唔俾超市同7-11賣酒
(仲要有個專人企係d酒個欄睇住，話俾人知唔俾賣)
唔通咁樣d人就會飲少d??
另外係d大商場入口同每個地鐵站既入口都會有d security哥哥睇住
商場入口通常都會有一個永遠唔會響既大金屬探測器 (成度門個d)
大家排隊等過，有金屬就閃下紅燈，冇就閃下綠燈
不過d燈都係冇人理，個哥哥都係揮揮手行個禮
地鐵站仲過癮，每個人都要開袋check
只要你拉開個拉鏈係佢面前揚一下，1/10秒之後佢就睇完再同你行個禮
縱使佢睇到既可能只係你個袋入面有個大膠袋......
香港政府成日話要創造職位，係咪應該參考下?
近黎地鐵進步左，將個檢查站搬左去入閘機前少少
即係夾埋幾個入口一齊check，唔知係咪為左精簡人手呢
仲要加多左部大既金屬探測器，行過唔響就袋都唔使開
不過我真係未試過響law，可能依家d羽毛球拍真係成支都係碳纖維啦.........(其實我都唔知)
最後呢個都想post好耐，不過先前係google又搵唔到圖，最後自己影左張
傳說中既三仔有格仔?
泰國d電視會將支煙打格仔.........
其實我都唔知點解，唔知係咪佢地會覺得打左人地就唔知係煙，就會少d人食.....
但係......我又真係唔信人地會唔知係煙law
不過諗深一層，其實香港d報紙雜誌/淫審處咪又係一 樣
將d露點相加個"豆腐潤"咁大既格仔/黑點就冇事
又真係睇左唔會知個度係個乳頭?
btw有冇人知呢套係乜野戲呢~
睇完第一次，好多位都好有共鳴，不過唔太明佢成套戲想表逹d乜
再睇多次，明多左少少，不過都係唔太get到
|
| |
