ABC_FTS on Xanga

新開始	甦醒

ABC_FTS
read my profile sign my guestbook Name: Jason Birthday: 10/17/1984 Interests: computer, karate Expertise: 無聊 Message: message me Website: visit my website ICQ: 48216253 Member Since: 7/17/2004

SubscriptionsSites I Read
Subscribe to ABC_FTS Get trial subscription

Blogrings
BBA(IS) ~BBS Family~ previous - random - next BBA(IS) ~BBS Family~ 2003 ~ 2004 previous - random - next BPA, KYU previous - random - next ILOP 10 previous - random - next Crescendization~~~~ previous - random - next

Posting Calendar

\|<< oldest \| newest >>\|
view all weblog archives

Wednesday, February 11, 2009

放假又去玩

今次去北碧(Kanchanaburi)，睇下傳說中既桂河橋
(套戲應該好細個睇過.....但係唔記得晒....)

傳說中既桂河橋，好似話弧形既部份係真既，梯形既部份係俾人炸左之後再新補既
每日得幾班火車會行經條橋....最後都係搭唔到....就唔岩時間

紀念中國軍隊既碑

一個幾奇怪既博物館
右面個幅相應該係一個佛像，d泰國人好鐘意"zip"d錢入去入面

自助油站

一個好靚既墓園，紀念起鐵路而死既戰俘
每個碑旁邊都種棵花

另一個博物館，間屋係仿當時d戰俘營做既

頭兩日踩單車去d唔太遠既景點，途徑經過d路呀田呀都唔錯
前面個幅應該係蔗田

另一個墓園

水上卡啦ok，好似話泰國人好鐘意，攪到d河邊旅館既住客冇覺好瞓

去左兩個係岩洞入面既寺
唔算特別靚但係都幾得意
不過一個人係個洞入面行又真係有d驚....其中一個入口仲有兩隻蝙蝠飛下飛下

小朋友最鐘意既活動....坐船過河
前圖最底既就係我架單車

小朋友最鐘意既日落
最尾個幅圖特別在於個幾條電線...........就係靠佢送d電過去河既對岸@@

另一個叫hellfire pass既博物館，非常值得去
佢起係個死亡鐵路隔離，仲有4公里既舊鐵路可以行下
我淨係行左最common個段仔，係博物館隔離個幾百米
呢段路係穿過座8米高既山
當年d戰俘就係用d好原始既工具係d石上面開個洞
之後用炸藥炸開個山再運d石走.........真係見到都覺得好慘
俾d日軍超唔人道咁對待......
再遠d有橋，睇下下次有冇機會再去

去左個瀑布仔
lonely planet果然冇講錯，真係去睇下d人有趣過睇個瀑布
好多local同游客係度玩水，睇下都幾過癮

北碧都唔錯，似係去離島咁
坐兩個半鐘車就去到
去到踩下單車呀hea下睇下瀑布咁都幾盞
遲少少可能會再去，行埋個4公里既火車路，搭下過桂河橋既火車同埋去另一個7層大瀑布

話說近近地去玩，乜野證件都冇帶 (其實應該都要留個passport copy係銀包既)
可能近緬甸啦，搭車中途有d入境處職員上黎查身份證....
見成車人都拎晒身份證出黎，我呢個無證兒童只有攤大手板
個叔叔行到過黎我用泰文講左句我唔係泰國人
之後兩隻手fing下fing下，好似再講左句"我冇呀"之類既野
咁佢用英文問我邊度人，我話中國人
之後佢轉channel @@.....用普通話問左句"去哪裡"
我話"去hellfire pass"，之後佢講左句"好"定係"good"
我啞左..........
佢同對講機對面個個講緊野，似係中文，但係唔知係乜野方言
佢轉頭再問我係咪福建人，我話香港人，跟住佢就同對講機講左個好奇怪既"香港"，應該唔係普通話/英文/泰文既"香港"
咁回程.......當然又係見返個叔叔啦
我講左句"又是我"......佢回左句"yeah"

1:21 AM - 22 views - 6 eprops - 3 comments - email it

Wednesday, January 28, 2009

補祝大家新年快樂
新年願望.......當然係世界和平啦
好似好耐都冇update 過.......已經由月記變左雙月記........
呢期都係咁......飲飲食食打下波去下旅行同練下d水晶晶
我太懶.......過幾日再補返d相

12月頭去左沙美島3日
其實都係得兩日細半，因為第一日去到都係下晝
再行左兩個鐘搵酒店........差d要瞓帳篷(因為個度係國家公園，所以有營地有帳篷租)
間間旅館都話長假滿晒，有幾間仲叫我快d租帳篷，唔係滿埋就大劑 @@
最後都係日落時搵到，yeah，不過好多蚊
第二日去快艇trip，去左幾個島仔同埋浮潛左少少
唔算特別靚，不過都幾relax
但係成船除左我之外其他人都係一對對....得我一個傻仔.....
結果跟左其中一對玩，泰國女仔加緬甸男仔，所以佢地d英文都幾好
下晝食完飯搭船暈到嘔，十萬個樣衰 orz
第三日搭車返曼谷
傍晚既長途車(4個鐘)，熄晒燈係度播鬼片，正
真係唔知邊個諗出黎，好彩我聽唔明d泰文

聖誕冇假放.......之後新年去左越南胡志明市同大叻市玩
兩個麻甩傻仔都死唔去，簡直係奇蹟
胡志明市其實冇乜特別，係飲飲食食方便，同埋有幾幢都幾靚既建築物
個戰爭博物館都唔錯，d相好impressive
之後去左個day trip，古芝地道+西寧
個地道係越戰時北越用既，依家變左個博物館之類既景點，好值得去，同埋有得試射真既AK-47

去西寧主要係為左睇個高台教既大教堂同佢地既彌撒
高台教係越南既本土宗教，結合儒道佛三家，係越南第三大宗教，信眾有7百萬
大叻距離胡志明市6個零鐘車，係個高原小鎮(其實係越南應該都算大)，結果兩個唔記得check天氣既傻仔就差d涷死異鄉
個度有幾個湖同瀑布，成個城市都好悠閒，好有郊外渡假既感覺
同埋d人好nice，個救命咖啡店既老闆娘同係街邊無啦啦同你打招呼既伯伯都同d城市人冇得比
玩完大叻返胡志明.....結果.......留左位既旅館話以為我地唔黎.....租左俾人.......

零晨4點幾邊度搵旅館??都係食返碗牛河先慢慢搵
結果都係全部爆滿........兩個傻仔就冇瞓到，行左去河邊等日出.....幾咁浪漫呀
總結成個trip，d交通都冇傳說中咁恐怖，d野食真係唔錯，個牛河同越南咖啡都非常之好
下次可以去埋河內同下龍灣

過兩個星期又再去左清邁2日
今次同d泰國同事一齊去，瞓係其中一個屋企
成個trip絕對係飲飲食食之旅，yeah
同埋真係估唔到d哥哥姐姐們都可以玩到咁癲~~

做野方面都ok既，未算忙
終於都告別programmer既生活，重投batch cow既懷抱 (簡單講即係做返佢請我去做既野)
下個月開始應該會幾忙，所以要趁依家玩多d
話說幾個月前嚇走左我個拍檔，之後一直都請緊
咁依家開波做野都要請返個新既
結果.............黎左兩日又走左

佢話同上一個一樣，因為contract問題..............但係佢都冇同HR傾過.............冇嘗試去討價還價
同埋走得好急，所以其實都有d可能係有左第二份工既.....唔知呢
只可以講句......希望在明天啦

瞓覺，聽日繼續返工

1:26 AM - 15 views - 2 eprops - 3 comments - email it

Sunday, November 23, 2008

呢篇都係好懶咁貼下相

話說上個星期係呢度既大節日loy krathong (有人話係第二大既節日，最大係新年)
好早之前已經見到有廣告牌講呢個節日(不過睇唔明佢講乜)，幾日前好多同事問個日會去邊，點玩
同埋個晚放左兩轉煙花 (冇錯，又係煙花，好似我上一篇所講，真係成日放，琴日又再放左兩轉)
睇黎真係好大既節日
有人話似情人節，好多都係一對對咁去玩，我就覺得似中秋節多

loy krathong好似話係供奉河神/精靈既節日
大家都會將一個用香蕉葉同花整既krathong放係河面，等佢慢慢飄出去，象徵住將d罪送走

因為傳統krathong個底係用香蕉樹做，所以佢會浮
點埋支蠟燭係河面浮下浮下都幾靚
好似話如果一對戀人一齊放個krathong出去，而兩個krathong都一齊咁飄下飄下，咁佢地就會係埋一齊好耐

話說當日同同事食飯，大時大節book唔到河邊餐廳，搵左一陣就去左一間都唔錯既餐廳食泰菜
返到屋企都10點，換件衫帶埋部相機就再出去感受下節日氣氛
結果都係去左一個係河邊既地鐵站算，雖然個度唔係最熱鬧，但係d同事話熱鬧既位真係太熱鬧，迫唔到入去

但係原來所謂冇咁熱鬧既位都係超多人

不過d水都幾黑

賣krathong既攤檔

d人係檔後面整krathong

有好多好多既攤檔賣野，又有d人表演，又有人賣放生雀
點解話似中秋節? 因為除左蠟燭之外仲有螢光棒

同埋有人放煙花

仲要係滿月

身痕搭左船過去河既對面，結果返黎既時候差唔多11點半，冇船搭
直接打的返屋企

d放krathong既位都俾人霸晒
呢d就唔收錢同你放，不過佢地會搵下睇下入面有冇擺錢
因為好多人都會擺少少錢入去個krathong度先放
另外有d係用支長棍加個籃同你放或者係小朋友企係海邊d石度同你放，個d就會收錢

好多都係阿媽帶住個女一齊黎放，都幾溫馨
不過呢張影得唔太好

總括黎講呢個節日都唔錯，似一個大嘉年華
同埋d krathong都幾靚，就咁一舊同係水上飄都唔錯
泰國北部d人仲會放孔明燈，應該好靚
呢邊都好似見到幾盞係天，但係唔確定係咪呢

11:58 PM - 33 views - 4 eprops - 3 comments - email it

Sunday, November 09, 2008

update下先
等大家知我未死

唔知點解呢邊成日放煙花
我黎左4個幾月都放左3~4次(係我係屋企既都有3~4次)

呢邊d屋大部份都有露台
其實應該淨係香港先冇.....內地好多樓都有
係個露台度望出去就見到煙花，都幾盞
不過有棟酒店遮住

另外一樣無聊野係呢邊d水機

頭一兩次換水真係攪佢唔掂
依家學識lu
最緊要係夠快

都幾得意既一首歌

12:20 PM - 34 views - 6 eprops - 6 comments - email it

Thursday, October 23, 2008

	唔經唔覺已經24歲人生路已經走完1/3.5 真係要諗諗之後既路要點行我唔要平庸一生 ! 第一個係泰國過既生日(唔知會唔會有第二個呢) 食左兩個蛋糕，yeah 第二個係雪糕蛋糕黎不過唔記得左影相... 之後夜晚有人請打邊爐同埋收到份生日禮物
	9:48 PM - 46 views - 10 eprops - 6 comments - email it

<< Previous 5 | Next 5 >>

Background music: